आजदेखि पुराना स्मार्टफोनमा ह्वाट्सएप बन्द: मेटाको नयाँ अपडेट लागू

काठमाडौं, जेठ १८ - विश्वकै लोकप्रिय म्यासेजिङ एप ह्वाट्सएपले जुन १ बाट केही पुराना स्मार्टफोनहरूमा सेवा बन्द गरेको छ। ह्वाट्सएपको मातृ कम्पनी मेटाले यो निर्णय साइबर सुरक्षा जोखिम तथा पुराना अपरेटिङ सिस्टमले नयाँ अपडेट समर्थन नगर्ने कारण देखाउँदै गरेको हो।

अब ह्वाट्सएप नचल्ने अपरेटिङ सिस्टमहरू:

- iOS 15 वा त्योभन्दा पुराना संस्करणहरू

- Android 5 (Lollipop) वा त्यो भन्दा पुराना संस्करणहरू

प्रभावित हुने फोन मोडेलहरू:

1. iPhone 5s, 6, 6 Plus, 6s, 6s Plus, SE (1st Gen)

2. Samsung Galaxy S4, Note 3

3. Sony Xperia Z1

4. LG G2

5. Huawei Ascend P6

6. Moto G (1st Gen), Moto E (2014), Motorola RAZR HD

के गर्न सकिन्छ?

- फोनको अपरेटिङ सिस्टम चेक गर्नुहोस्।

- iOS 15.1 वा Android 5.1 वा नयाँ संस्करण भएमा ह्वाट्सएप अझै चल्नेछ।

- पुरानो फोनमा अपडेट नहुने अवस्था छ भने, डेटा ब्याकअप गरेर नयाँ फोनमा सर्नु उपयुक्त हुनेछ।

किन गरियो यस्तो निर्णय?

मेटाका अनुसार, पुराना फोनमा सुरक्षा अपडेट नआउनाले डेटा ह्याक हुने खतरा बढेको छ। प्रयोगकर्ताको साइबर सुरक्षालाई ध्यानमा राख्दै यस्तो निर्णय गरिएको हो।

यस अपडेटले धेरैलाई नयाँ फोन रोज्न प्रेरित गर्ने देखिन्छ। तपाईंको फोन असरमा परेको छ कि छैन, आजै जाँच गर्न नबिर्सनुहोस् ।